Izraeliti i dyshuar për trafikim me organe në Kosovë, do të ekstradohet në Rusi

Izraeliti i dyshuar për trafikim me organe në Kosovë, do të ekstradohet në Rusi

Moshe Harel, izraelit 70 vjeçar, i dyshuar për trafikim të organeve në Kosovë, i arrestuar në Qipro, do të ekstradohet në Rusi. Ndaj tij, përveç Ko

Agjencia Kundër Korrupsionit: Vendimi për rritje të pagave, i jashtëligjshëm
Kjo klasë politike s’mund t’u japë zgjidhje temave të rëndësishme
Thaçi takon liderët evropianë në Davos

Moshe Harel, izraelit 70 vjeçar, i dyshuar për trafikim të organeve në Kosovë, i arrestuar në Qipro, do të ekstradohet në Rusi.

Ndaj tij, përveç Kosovës flet-arrest ndërkombëtar ka lëshuar edhe Rusia, pasi ai dyshohet se të njëjtin aktivitet e ka ushtruar atje, dhe për shkak se Qipro nuk e njeh Kosovën, gjykata qipriote i është përgjigjur pozitivisht vetëm flet-arrestit nga Moska.

Gjykata qipriote vendosi sot se më 21 shkurt do të zhvillohet seanca për ekstradim, pasi dokumentet të dërguara nga Rusia dhe të miratuara nga Ministria e Drejtësisë së Qipros janë paraqitur në gjykatë, raporton AFP, përcjell gazetametro.net.

Moshe Harel, një agjent udhëtimesh, u arrestua në aeroportin e Larnakës më 28 dhjetor dhe do të mbetet në paraburgim deri në seancën gjyqësore të 21 shkurtit.

Ai është akuzuar për kërkimin e njerëzve që kanë nevojë për transplantim të veshkave dhe joshjen e donatorëve nga Turqia dhe ish-republikat e Bashkimit Sovjetik për të kryer transplantim në Kosovë.

Bashkë me Kosovën, urdhër arrest kishte lëshuar edhe Rusia.

Autoritetet qipriote aktivizuan kërkesën ruse, e cila u lëshua vitin e kaluar për veprat penale të kryera në vitin 2006.

Prokurori i shtetit Marina Spiliotopoulou i tha gjykatës të hënën se zyra e avokatit kishte marrë dokumentet e nevojshme nga Rusia për fillimin e procesit të ekstradimit.

Hareli dyshohet se drejtonte një rrjet të trafikut të organeve në Rusi dhe Kosovë nga viti 2006 deri në vitin 2010.

Ai është kërkuar për pothuajse një dekadë për dyshimin e shfrytëzimit të viktimave, shpesh të rekrutuar nga zonat e varfra në Evropën Lindore dhe Azinë Qendrore, duke u premtuar 18,000 dollarë amerikanë për një veshkë që do ta dhuronin, kryesisht për shtetas izraelitë të cilët paguanin 122 mijë dollarë amerikanë.

Pastaj dhuruesi dhe marrësi i veshkës takoheshin në Kosovë, ku edhe kryhej intervenimi kirurgjik për transplant të organit.

Rrjeti i trafikimit doli në dritë në vitin 2008 pasi një burrë turk u alivanos në aeroportin e Prishtinës si pasojë e problemeve shëndetësore, në kohën kur po kthehej në shtëpi, pas dhurimit të veshkës së tij.

Në vitin 2013, një gjykatë e udhëhequr nga Bashkimi Evropian në Kosovë dënoi pesë mjekë kosovarë deri në tetë vjet burg për trafikim organesh.

Donatorët, organet e të cilëve u hoqën në mënyrë të paligjshme, mbetën pa kujdes të duhur mjekësor dhe u trajtuan “si mbeturina”, thanë prokurorët në atë kohë.

Por, Gjykata Supreme e Kosovës e anuloi aktgjykimin në vitin 2016 dhe urdhëroi një gjykim të ri, i cili po vazhdon.

Aktakuza e quajti Harel si udhëheqësin e rrjetit, i cili po bashkëvepronte mjekun turk Yusuf Ercin Sonmez, i quajtur nga mediat kosovare si “Frankenstein turk” i cili ende ndodhet në arrati, që dyshohet për kryerje të transplantimeve.

COMMENTS

WORDPRESS: 0
DISQUS: 0