Prishtina në luftë me smogun- si do të jetë zgjidhja?

Prishtina në luftë me smogun- si do të jetë zgjidhja?

  Alarmi i ditëve të fundit për ndotjen e ajrit në Prishtinë ka shkaktuar panik tek një pjesë e qytetarëve. Disa thonë se ky ajër ka qenë gjit

Kodi +383 e radhit emrin e Kosovës në mesin e shteteve
Presidenti turk Erdogan do ta vizitojë Vatikanin
Albin Kurti voton, fton të dorëhequrit t’i bashkohen procesit

 

Alarmi i ditëve të fundit për ndotjen e ajrit në Prishtinë ka shkaktuar panik tek një pjesë e qytetarëve. Disa thonë se ky ajër ka qenë gjithmonë në këtë nivel, por nuk ka pasur matje nga institucionet kompetente. Një matës i ajrit që është vendosur nga ambasada amerikane në lagjen “Arbëria” në Prishtinë, tregon se këto ditë kryeqytetit kosovar po prinë sa i përket ndotjes së ajrit krahasuar me gjithë kryeqytetet e Botës.

Pas reagimeve të shumta në opinion, Komuna e Prishtinës në bashkëpunim me Ministrinë e Brendshme dhe Ministrinë e Ambientit kanë marrë vendim për të ndaluar qarkullimin e veturave nëpër rrugët e qendrës së qytetit nga ora 06:00 e mëngjesit, deri në ora 22:00 e mbrëmjes. Ky vendim filloi së zbatuari të mërkurën.

Në lidhje me ndalimin e qarkullimit të automjeteve nëpër rrugët kryesore të qytetit ka shkaktuar reagime të shumta, por edhe kontradiktore tek qytetarët. Disa prej tyre thonë se ky vendim është i mirë dhe duhet aplikuar edhe në javët në vijim, ndërsa një pjesë tjetër e qytetarëve thonë se ndalimi i qarkullimit të automjeteve është bërë për politika ditore dhe se nuk do të ndikojë në pakësimin e ndotjes së ajrit.

“Automjetet mirë që i kanë ndalë, sepse ndër to ka edhe shumë të vjetra dhe po e ndotin shumë ajrin. Gjithashtu edhe qarkullimi është më i lehtë nëpër qytet dhe kjo masë duhet vazhduar. Por institucionet duhet të kujdesën që të ndalin apo rregullojnë me filtra tymin që del nga KEK (Korporata Energjetike e Kosovës)”, thotë Dafina Hoti qytetare nga Prishtina.

Ndërsa Bujar Rexhepi thotë se vendimi për ndalimin e automjeteve në rrugët kryesore të Prishtinës është e jo-racionale, sepse sipas tij, fajtori i ndotjes është KEK-u dhe përdorimi i qymyrit nga qytetarët.

“Kjo formë e ndalimit të qarkullimit është bërë pas një presioni të madh që është bërë këto ditë. Pra është një masë emergjente sa për t’u dukur se po ndërmerret diçka. Nëse është ndalur qarkullimi i automjeteve në rrugët e qendrës, në rrugët periferike është bërë kaos i madh. Ndotja e madhe vjen nga KEK-u dhe aty duhet bërë diçka dhe rregullohet niveli i ndotjes së ajrit”, thotë ai.

Në lidhje me ndotjen e ajrit, në Prishtinë është mbajtur një protestë ku është kërkuar nga institucionet kompetente që të ndërmarrin fjalë për përmirësimin e ajrit në Prishtinë, e të lënë retorikën e vazhdueshme për këtë çështje.

“Ndotja e ajrit gjatë periudhës prej 22-30 janar ka qenë e jashtëzakonshme”

Lëvizja Shkenca për Ndryshim shpreh shqetësimin e thellë për nivelet e larta të ndotjes së ajrit që po mbizotërojnë këto ditë, dhe përgjithësisht gjatë muajve të dimrit. Kjo organizatë përmes një komunikate ka theksuar se në mbrëmjen e së premtes, të datës 26.01.2018 treguesi shënonte nivelin e PM2.5 prej 300μg/m₃, me indikatorin që tregonte se ajri ishte helmues. E njëjta situatë na ka shoqëruar edhe gjatë dimrave të kaluar, dhe ende nuk ka pasur hapësirë të

mjaftueshme për debat publik e përpjekje serioze për lehtësimin e situatës.

“Lëvizja Shkenca për Ndryshim ka vërejtur mungesën e përgjegjësisë së institucioneve përkatëse për të ndërmarrë masat për pengimin dhe zvogëlimin e ndotjes së ajrit si dhe për t’i njoftuar qytetarët në kohë reale rreth nivelit të ndotjes, apo t’ju japin këshilla grupeve më të rrezikuara”, thuhet në reagim.

Lëvizja Shkenca për Ndryshim thekson se duke konsideruar ndotjen e lartë dhe rrezikun shëndetësor të pashmangshëm, duhet të parashihen zgjidhje të menjëherëshme përmes masave afatshkurte, afatmesme dhe afatgjata.

“Lëvizja jonë do të punojë në vazhdimësi për monitorimin e cilësisë së ajrit përmes pajisjeve të ndryshme, informimin e qytetarëve, dhe monitorimin e punës së institucioneve sa i përket ndotjes së ajrit”, thuhet në reagim.

Nga Bashkim Kastrati

COMMENTS

WORDPRESS: 0
DISQUS: 0