Nis #AsUne – s’do të votoj për të korruptuarit

Koalicioni i organizatave joqeveritare për vëzhgimin e zgjedhjeve Demokracia në Veprim është duke bërë të gjitha përgatitjet për vëzhgimin e zgjedhjeve të 11 qershorit si dhe ka lansuar fushatën vetëdijësuese #AsUne.

Kjo u bë e ditur sot, gjatë një konference për media nga drejtori ekzekutiv i Institutit Demokratik të Kosovës, Ismet Kryeziu si dhe Mjellma Hapçiu-Alijaj nga Demokracia për Zhvillim, njofton Klan Kosova.

Kryeziu theksoi se që nga dita e shpalljes së zgjedhjeve, DnV është angazhuar në fushata edukimi për të rinj, gra dhe komunitete jo shumicë, vëzhgim të punës së KQZ-së përfshirë Komisionet Komunale Zgjedhore dhe do të vazhdojë në ditët në vijim me vëzhgim të fushatës zgjedhore, vëzhgim të raportimeve të medieve, vëzhgim të procesit zgjedhor në ditën e zgjedhjeve, numërim të votave, evidentim të parregullsive dhe paraqitje të ankesave tek PZAP.

Sa i përket fushatës vetëdijësuese “#AsUne nuk do të votoj për kandidatë të korruptuar Mjellma Hapçiu-Alijaj , bëri të ditur se nëpërmjet kësaj motoje, thurja #AsUne, synohet që të ndikohet tek partitë politike që të mos përfshijnë në listat zgjedhore kandidatë të përfshirë në dukuri korruptive, ndaj të cilëve janë ngritur aktakuza për korrupsion, apo që vetëm ka dënime nga shkalla e parë e gjykatës.

 

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *