Ndihma e një mërgimtari ia lehtëson jetën ish-ushtarit të UÇK-së /Video/

Për nëntë vite Xhemë Rexhepi qëndroi i lidhur për shtrat në shtëpinë e tij në Zhiti të Vitisë.

Ai pësoi një lëndim në boshtin kurrizor derisa po punonte në ndërtimtari për një kompani private, njofton Klan Kosova.

Pas rrëzimit ai qëndroi në koma për dhjetë ditë, ndërsa që e vazhdoi trajtimin jashtë vendit. Por, kompania për të cilën punoi nuk e ndihmoi. Për shërimin e ish-ushtarit të UÇK-së u kujdesën shoqëria e veçanërisht mërgata.

Një i tillë është edhe Nazmi Biomulaku i cili kur dëgjoi për rastin e Rexhepit erdhi nga Zvicra dhe i ndërtoi para dhomës një terasë dhe parkun para shtëpisë që ky të mund të dalë jashtë.

I emocionuar Rexhepi tregon se deri më tani doli nga dhoma e tij vetëm për vizita mjekësore.

Kronikë nga Mejreme Gashi.

 

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *